Miðstig grunnskóla

Upplýsingar um stjörnuskoðun

Á Stjörnufræðivefnum eru ýmsar gagnlegar upplýsingar um stjörnuskoðun:

• Upplýsingar um stjörnuskoðun í kvöld (stjörnukort, norðurljós o.fl.)

• Vefvarp Stjörnufræðivefsins þar sem meðal annars hafa birst mánaðarlegir þættir um það sem helst er að sjá á himninum á veturna

• Ábendingar um stjörnuskoðun fyrir hópa

Jarðarboltinn

Haustið 2013 gáfu Stjörnufræðivefurinn og UNAWE verkefnið öllum leik- og grunnskólum á Íslandi Jarðarbolta til að styðja kennslu í stjörnufræði, samfélagsfræði, Á krakkavef Stjörnuskoðunarfélagsins www.geimurinn.is er að finna kennsluefni sem tengist Jarðarboltanum.

• Frétt um jarðarboltann

• Verkefnahefti og hugmyndir um hvernig hægt er að nota jarðarboltann

• Krakkavefur um stjörnufræði – www.geimurinn.is

Kennsluhugmyndir: Sólkerfið

Á þessari vefsíðu eru ýmsar hugmyndir um hvernig hægt er að vinna með sólkerfið í heild og reikistjörnurnar. Eitt dæmi er að setja upp líkan af reikistjörnunum í svonefndu „sólkerfisrölti“.

• Kennsluhugmyndir: Sólkerfið

• Sólkerfisrölt nemenda í Melaskóla í miðbæ Reykjavíkur á alþjóðlegu ári stjörnufræðinnar 2009

Námsefni sem tengist Galileósjónaukanum og stjörnuskoðun

Í tengslum við Ár stjörnufræðinnar 2009 þá gaf Stjörnufræðivefurinn öllum grunnskólum á Íslandi stjörnusjónauka. Hann gekk undir nafninu Galileósjónaukinn til heiðurs Galileó Galilei sem beindi sjónauka til himins 400 árum fyrr (1609) og var fyrstur til þess að nota þessa nýju uppfinningu í stjörnufræði og skrifa um það í ritum sem bárust um alla Evrópu.

Á Stjörnufræðivefnum er sérstök vefsíða sem er helguð Galileósjónaukanum og þar er einnig að finna ýmsar ábendingar og verkefni sem tengjast stjörnuskoðun.

• Vefsíða um Galíleósjónaukann ásamt verkefnum um stjörnuskoðun

Alþjóðlegar stjörnutalningar á haustin og vorin

Á haustin og vorin býðst nemendum og almenningi að taka þátt í alþjóðlegum stjörnutalningum. Þær fara þannig fram að þátttakendur skoða hve margar stjörnur sjást í stjörnumerkjunum Svaninum (haust) og Óríon (vor). Út frá þessum niðurstöðum er hægt að svara spurningunni hvað það sjást margar stjörnur á næturhimninum. Nemendur geta síðan borið niðurstöður sínar saman við niðurstöður annars staðar af landinu og utan úr heimi.

• Vefsíða um stjörnutalningu og áhrif útilýsingar

Fróðleikur og verkefni sem tengjast sjávarföllum

Sjávarföllin eru nærtækt dæmi hér á landi um áhrif himintunglanna á umhverfi okkar. Á Stjörnufræðivefnum er grein um sjávarföllin og neðst í henni eru verkefni fyrir nemendur.

• Vefsíða um sjávarföllin (neðst á síðunni er að finna námsefni og verkefni)

Ýmsar vefslóðir sem tengjast stjörnufræði og jarðvísindum

Á vefnum Náttúrutorg er að finna ýmsar vefslóðir sem tengjast náttúrufræðikennslu.

• Vefslóðir sem tengjast jarðvísindum á Náttúrutorgi

Dagbók stjörnufræðikennara

Sverrir Guðmundsson heldur dagbók yfir kennslu í stjörnufræði við Menntaskólann í Reykjavík veturinn 2013-2014. Kennsluhugmyndirnar ættu að gagnast á ýmsum skólastigum (miðstigi, unglingastigi og framhaldsskólastigi). Kennarar mega nota og breyta öllu því efni sem birtist í dagbókinni.

• Dagbók stjörnufræðikennara veturinn 2013-2014