Kattaraugað
-
Kattaraugað (NGC 6543) er hringþoka í stjörnumerkinu Drekanum. Mynd: NASA/ESA/CXC
| Tegund: | Hringþoka |
| Stjörnulengd: |
17klst 58mín 33,4s |
| Stjörnubreidd: |
+66° 37′ 59,52" |
| Fjarlægð: |
3.300 ljósár |
| Sýndarbirtustig: |
+9,8 |
| Stjörnumerki: | Drekinn |
| Önnur skráarnöfn: |
Caldwell 6 |
Ensk-þýski stjörnufræðingurinn William Herschel uppgötvaði þokuna þann 15. febrúar árið 1786. Árið 1864 rannsakaði enski stjörnuáhugamaðurinn William Huggins í fyrsta sinn litróf þokunnar. Niðurstöður hans sýndu að hringþokur voru úr heitu gasi en ekki stjörnum.
Stjarnan í miðju Kattaraugans er um það bil 80.000°C heit eða svo og um 10.000 sinnum bjartari en sólin okkar. Fyrir um 1000 árum varpaði þessi stjarna, sem var líklega um 5 sólmassar í upphafi, frá sér ytri lögum sínum og myndaði þokuna. Í þokunni er þess vegna að mestu vetni og helíum en líka efni eins og kolefni, nitur og súrefni og hefur hvert efni sinn einkennislit. Á hverri sekúndu missir stjarnan um það bil 20 trilljón tonnum af efni á sekúndu út í geiminn á formi stjörnuvinds sem fer með um 1900 km hraða á sekúndu.