NGC 17
-
Þyrilvetrarbrautin NGC 17 í stjörnumerkinu Hvalnum. Mynd: NASA/ESA
| Tegund: | Þyrilvetrarbraut (Sc) |
| Stjörnulengd: |
00klst 11mín 06,5s |
| Stjörnubreidd: |
-12° 06′ 26" |
| Fjarlægð: |
250 milljón ljósár |
| Sýndarbirtustig: |
+15,3 |
| Stjörnumerki: | Hvalurinn |
| Önnur skráarnöfn: |
PGC 781 |
NGC 17 er afleiðing samruna tveggja skífuvetrarbrauta. Við samruna hófst stjörnumyndunarhrina í miðsvæðum vetrarbrautarinnar og stendur hún enn yfir. Skífan er þess vegna blá. Vetrarbrautin er enn gasrík og hefur einn kjarna. Hún er um 160 þúsund ljósár í þvermál en frá henni liggur langur straumur stjarna sem er afleiðing samrunans.
Þessi vetrarbraut ber tvö NGC númer, 17 og 34. Bandaríski stjörnufræðingurinn Frank Muller fann hana fyrstur árið 1886 og var hún þá skrásett NGC 17. Síðar sama ár fann annar stjörnufræðingur, Lewis Swift, sömu vetrarbraut og var hún þá skrásett NGC 34.