NGC 6240
-
Vetrarbrautin NGC 6240 er afleiðing samruna tveggja vetrarbrauta í stjörnumerkinu Naðurvalda. Mynd: NASA/ESA
| Tegund: | Vetrarbrautasamruni |
| Stjörnulengd: |
16klst 52mín 58,9s |
| Stjörnubreidd: |
+02° 24′ 03" |
| Fjarlægð: |
400 milljón ljósár |
| Sýndarbirtustig: |
+12,8 |
| Stjörnumerki: | Naðurvaldi |
| Önnur skráarnöfn: |
UGC 10592 |
Franski stjörnufræðingurinn Jean Marie Édouard Stephan uppgötvaði vetrarbrautina þann 21. júlí árið 1871.
NGC 6240 er afbrigðileg, fiðrilda- eða humarlaga vetrarbraut sem samanstendur af tveimur vetrarbrautum sem hafa runnið saman í eina. Mælingar með Chandra röntgengeimsjónauka NASA sýna að í vetrarbrautinni eru tvö risasvarthol sem munu sameinast í framtíðinni. Nú skilja aðeins 3000 ljósár á milli þeirra.
Samruni vetrarbrautanna hófst fyrir um 30 milljónum ára. Um leið hófst mikil stjörnumyndunarhrina og fjöldi stjarna sprungu fljótlega í kjölfarið. Samrunanum verður lokið eftir nokkra tugi eða jafnvel hundruð milljónir ára.