Fréttir

Á nýrri mynd frá Hubblessjónaukanum sést stjörnuþyrpingin Trumpler 14 sem hýsir eina heitustu stjörnu sem vitað er um.

Stjörnufræðingar við Caltech háskóla í Kaliforníu hafa fundið sterk sönnunargögn fyrir tilvist stórrar en óséðrar reikistjörnu langt handan við braut Neptúnusar og Plútós.

Árið 2016 er spennandi stjarnvísindaár. Þótt fáar reikistjörnur verði áberandi á himninum gengur ein þeirra, Merkúríus, fyrir sólina í fyrsta sinn síðan 2006. Tveir geimkannar leggja í leiðangur út í sólkerfið, einn til Mars og einn til smástirnis, auk þess sem nýtt geimfar fer á braut um Júpíter.

Stjörnufræði er myndræn vísindagrein. Ár hvert eru þúsundir ljósmynda teknar af undrum alheimsins, hvort sem er af stjörnuáhugafólki, stjörnufræðingum eða vélvæddum sendifulltrúum jarðarbúa í sólkerfinu.

Vísindabók Villa - Geimurinn og geimferðir er ný bók fyrir alla sem áhuga hafa á vísindum. Þótt bókin henti fullkomlega fyrir krakka á aldrinum 6-13 ára, ættu allir sem eldri eru að finna ótalmargt við sitt hæfi í bókinni.

Í tilefni af sjöundu Stjörnustríðsmyndinni, Star Wars Episode VII: The Force Awakens, hafa stjörnufræðingar birt mynd frá Hubble geimsjónauka NASA og ESA af tvíeggja geimgeislasverði.

Ef veður leyfir sunnudagskvöldið 13. desember og mánudagskvöldið 14. desember skaltu horfa til himins. Þessi kvöld verður loftsteinadrífan Geminítar (e. Geminids) í hámarki. Geminítar eru oft besta loftsteinadrífa ársins.

Í desember og janúar er hægt að sjá halastjörnuna Catalina klífa upp himininn á morgnana. Hún er dauf (5. birtustig) og nýtur sín því best með handsjónauka eða stjörnusjónauka.

Hin árlega Leoníta loftsteinadrífa nær hámarki 17. og 18. nóvember. Aðstæður til að fylgjast með drífunni eru heppilegar því birtan af tunglinu truflar ekkert að þessu sinni.